How did I develop a production level telegram AI bot for Myanmar people? (Burmese)
Moti AI ကို စ ဖန်တီးတာ အခုဆို တစ်နှစ်တောင်ရှိတော့မယ်။
အစတုန်းက အဲဒီလို တစ်ခု လုပ်ဖြစ်လိမ့်မယ်လို့ မရည်ရွယ်ထားဘူး။ ဒီလိုပဲ လုပ်ရင်းစမ်းရင်းကနေ အခုလို production level. ထိ လုပ်ဖြစ်သွားတာ။ အဲဒီတုန်းက develop လုပ်နေရင်း တွေးခဲ့ပုံကဒီလိုမျိုးပါ။
၁. အစောပိုင်း နိုဝင်ဘာ ဒီဇင်ဘာ ၂၀၂၂ လောက်တုန်းက Google Colab မှာအရင် Telegram bot ကို Run လို့ရအောင်စမ်းတယ်။ ပထမဆုံး user ကပို့တာကိုလက်ခံဖို့နဲ့ server ဘက်က အဖြေပြန်ပို့လို ရမရ ဆိုတာ စမ်းကြည့်တယ်။
၂. ရသွားရင် user က နေ နောက်ဆက်တွဲ message တွေပို့လာတဲ့အခါ သူ့ရဲ့ message ကို method တစ်ခုကနေ တစ်ခုကို လွှဲပို့ပေးဖို့ ဘယ်လို လုပ်ရမလဲစမ်းတယ်။
၃. အဲဒီအဆင့်အောင်မြင်သွားတော့ mental health test တွေ စပြုလုပ်လို့ရပြီ။
၄. အဲဒီနောက်ပိုင်းမှာတော့ ရေးထားတဲ့ကုဒ်တွေကို ပိုနေတာ လိုနေတာတွေ ထပ်ဖြည့်ပြင်၊ ဖတ်ရအဆင်ပြေအောင် organize လုပ်တယ်ပေါ့။
၅. bot ထဲကိုမထည့်သေးပဲ၊ openAI ရဲ့ GPT3 ကို အရင်ဆုံး python ကနေ ဘယ်လိုခေါ်သုံးမလဲ စမ်းတယ်။
၆. အဲဒီလိုခေါ်လို့ရတဲ့ အဆင့်အောင်မြင်သွားတော့၊ မြန်မာလိုပို့တာကို မြန်မာလိုပြန်ပြနိုင်ဖို့ ကြားကဘာသာပြန်စနစ်ကိုစမ်းထည့်ကြည့်တယ်။
၇. ဘာသာပြန်စနစ်ထည့်တာ အောင်မြင်သွားတော့ user ကပို့တဲ့ message ကို ဘယ်ဘာသာစကားသုံးသလဲ ခွဲသိအောင် ထပ်ပြီးရေးတယ်။ ပြီးတော့သူ့ပို့တဲ့ ဘာသာစကားအတိုင်း reply လုပ်ဖို့ထည့်တယ်။
၈. ဒါတွေရသွားတဲ့အချိန်မှာ bot ထဲကို စထည့်ကြည့်တယ်။ Telegram နဲ့ compatible ဖြစ်ဖို့ ပြန်ပြင်ရတဲ့အပိုင်းတွေလည်းရှိတာပေါ့
၉. bot ထဲလည်းစထည့်ကြည့်ပြီးပြီ၊ အဆင်လေးပြေလာပြီဆိုတော့နောက်ထပ် command တွေ ထည့်တယ်။ စာပို့တဲ့အခါတိုင်း user ဘက်မှာ ဘာဆက်လုပ်ရမလဲမသိတော့ဘဲ dead end မဖြစ်သွားအောင် default နဲ့ filler တွေထည့်တယ်။
၁၀. အဲဒီနောက်တော့ ပြောတဲ့ conversation တွေကိုသိမ်းဆည်းပြီး log လုပ်တဲ့စနစ်စပါလာပြီ။ အစောပိုင်း conversation တွေကို ကြည့်ပြီး ဘာတွေလိုအပ်ချက် ရှိနေသလဲ လိုက်ကြည့်တယ်။ လိုအပ်တာပြင်တယ်။
၁၁. နောက်တော့ ပြောတဲ့စကားတွေ တစ်ခုနဲ့တစ်ခု ဆက်စပ်ပြီးသိဖို့ short term memory ထည့်တယ်။
၁၂. နောက် user တွေ message. ဘယ်လောက်သုံးထားသလဲ quota စစ်တဲ့စနစ်ကို ထည့်တယ်။ အကောင့်တစ်ခုအတွက် expired date သတ်မှတ်ပေးတာတွေပါလာပြီ။
၁၃. Beta testing လုပ်တာ တစ်လလောက်ကြာတဲ့အချိန်မှာတော့ Colabမှာဆက်မထားတော့ဘဲ Server ပေါ်ကိုရွှေ့လိုက်ပြီ။ Colab မှာက ကြာကြာ run လို့မရဘဲ timeout ဖြစ်တတ်တယ်။ ဒါကြောင့် 24/7 run ဖို့ server တစ်ခု လိုလာပြီလေ။
၁၄. Server ပေါ်ကိုရွှေ့ပြီးတဲ့နောက် တော့ Public ကိုစပြီး ထုတ်လိုက်ပြီ။ဝယ်သုံးစရာမလိုဘဲ trial သုံးခွင့်ပြုထားတယ်။
၁၅. အစောပိုင်းက trial စမ်းသုံးခွင့်ပြုထားတုန်းက တစ်ရက်ကို ၅၀၀ user လောက်အထိ တက်တယ်။ rate limit error တွေကော ၊အခြား error တွေကော မျိုးစုံပဲ။ အဲဒါတွေကို trial အဆင့်မှာ အကုန်ရှင်းတယ်။
၁၆. Trial run ထားတုန်းမှာ ကိုယ်ဘာ အလုပ်လုပ်နေနေ user quota ကိုဖြည့်ပေးလို့ရအောင်ဆိုပြီးတော့ ကိုယ့်ရဲ့ telegram account ကို admin access ပေးလိုက်ပြီး ကိုယ့်telegram အကောင့်ကနေ bot ကိုတိုက်ရိုက် manage လုပ်လို့ရအောင် ထပ်ထည့်လိုက်တယ်။
၁၇. user upgrade လုပ်တာ၊ ဘယ်လောက်သုံးထားသလဲစစ်တာ စတာတွေကို telegram ပေါ်ကနေပဲလုပ်တော့တယ်၊ Telegram user id ပဲသိရင် အဆင့်မြှင့်တာ၊ quota သတ်မှတ်တာတွေ လုပ်လို့ရပြီ။
၁၈. နောက်တော့ user တွေ အတွက် AI prompt ကို စိတ်ကြိုက် ပြင်လို့ရအောင်လုပ်တာတွေ၊အမည် ပြောင်းပေးတာတွေထည့်ပြီးပြီ။
၁၇.အသံနဲ့ပြောလို့ရအောင်စမ်းထည့်တယ်။ ဒါပေမယ့် cost ပိုင်း မကိုက်တာကော မြန်မာအသံနဲ့မရတာကောကြောင့် user တွေသုံးဖို့ သိပ်အားမပေးထားဘူး။
၁၉. development ပိုင်းပြီးတော့ နောက်ပိုင်း marketing ပိုင်း၊ customer relation ပိုင်းတွေ ပါလာပါလေရော၊ အဲဒီအတွက် facebook page တစ်ခုထောင်တယ်။ လူတစ်ယောက်ချင်းစီကို reply မလုပ်နိုင်တဲ့အတွက် ကြောင့် manychat ကိုအသုံးပြုပြီး bot flow တစ်ခုရေးထားလိုက်တယ်။ ဝယ်ချင်တဲ့သူတွေ အတွက် အဲဒီ bot နဲ့အရင်စကားပြောကြပေါ့။ ငွေချေပြီးနောက်မှ လူက ဝင်ပါတာမျိုးလုပ်ထားတယ်။
၂၀. marketing ပိုင်းတော့ဘာမှသေချာမလုပ်ဖြစ်ဘူး.ဒီလိုလေးပဲ သူ့ဟာသူသွားနေတယ်။ ၆လလောက်အထိ user တွေကိုအခမဲ့ပေးသုံးခွင့်ပြုထားပြီး နောက်ပိုင်း ဝယ်သုံးမှရတဲ့စနစ်ကိုပြောင်းလိုက်တယ်။ တစ်ရက်တစ်ရက်ဝယ်တဲ့သူတွေကတော့ သိပ်မများပါဘူး။ ခြေနိုင်လက်နိုင်ရှိတယ်။ တချို့ စိတ်တကယ်ဝင်စားတဲ့သူတွေကလည်း အနည်းဆုံးတော့ ၂၅၀၀ လောက်အကုန်ခံပြီးဝယ်သုံးကြတယ်။ တစ်ဒေါ်လာတောင်မရှိဘူး။
ဒီနှစ်ထဲမှာ ကိုယ်ပီပီပြင်ပြင်လုပ်လိုက်နိုင်တာ ဆိုလို့ ဒီ project ရှိတယ်။
နောက်ကွယ်မှာ ပေးဆပ်လိုက်တဲ့အချိန်တွေ အများကြီးရှိသလို၊ အများကြီးလည်း ပြန်သင်လိုက်ရတယ်။ ကိုယ်လုပ်ချင်ရာ လွတ်လွတ်လပ်လပ် စမ်းလုပ်တဲ့နောက်မှာ ကောင်းတယ်ဆိုးတယ်မဝေဖန်ဘဲ နောက်ကွယ်က ဝိုင်း စမ်းပေးကြ၊ အယ်ရာတွေပြောပြကြ၊ ဝိုင်းကူပေးတဲ့ မိတ်ဆွေတွေရှိတာလည်း ခွန်အားပဲ။
အခုနောက်ပိုင်းတော့ ဒီထက် အဆင့်မြင့်တဲ့ bot တွေပေါ်လာပါပြီ၊ ဒီဘက်ကို ဆက်တိုက်လိုက်ဖို့အတွက်ကလည်း ဒီနယ်ပယ်ထဲမှာ ထဲထဲဝင်ဝင် လုပ်နေသူမဟုတ်ရင် ခက်ခဲတယ်။ စားဝတ်နေရေးအတွက် တခြား အလုပ်တွေလုပ်ရတဲ့အခါကျတော့ ဒီဘက်ကို သိပ်မလှည့်နိုင်တော့ဘူး။ဒါပေမယ့် ဒီလို လုပ်ဖြစ်သွားခဲ့တာကိုပဲ တော်တော်ပျော်ပါတယ်။